Breaking News

ਇਕੋ ਸਮੇਂ ਹੋਇਆ ਮਾਮਾ-ਭਾਣਜੇ ਦਾ ਜਨਮ, ਡਾਕਟਰ ਵੀ ਰਹਿ ਗਏ ਹੈਰਾਨ

ਕੋਨੀਆ,(ਏਜੰਸੀ)— ਤੁਰਕੀ ਦੇ ਹਸਪਤਾਲ ‘ਚ ਇਕ ਮਾਂ ਤੇ ਉਸ ਦੀ ਧੀ ਨੇ ਇਕੋ ਸਮੇਂ ਬੱਚਿਆਂ ਨੂੰ ਜਨਮ ਦਿੱਤਾ। ਇਸ ਮਾਮੇ-ਭਾਣਜੇ ਦਾ ਜਨਮ ਇਕੋ ਹਸਪਤਾਲ ‘ਚ ਹੋਇਆ ਅਤੇ ਇਹ ਖਬਰ ਫੈਲਦੇ ਹੀ ਲੋਕ ਇਨ੍ਹਾਂ ਨੂੰ ਦੇਖਣ ਆਉਣ ਲੱਗੇ।

ਇਨ੍ਹਾਂ ਦੋਹਾਂ ਮਾਂਵਾਂ-ਧੀਆਂ ਅਤੇ ਉਨ੍ਹਾਂ ਦੇ ਬੱਚਿਆਂ ਦੀ ਹਾਲਤ ਬਿਲਕੁਲ ਠੀਕ ਹੈ ਪਰ ਲੋਕਾਂ ਨੂੰ ਇਹ ਮਾਮਲਾ ਬਹੁਤ ਵੱਖਰਾ ਲੱਗ ਰਿਹਾ ਹੈ। 42 ਸਾਲਾ ਫਾਤਿਮਾ ਬਿਰਿੰਕੀ ਅਤੇ ਉਸ ਦੀ 21 ਸਾਲਾ ਧੀ ਗੇਡ ਬਿਰਿੰਕੀ ਨੇ ਹਸਪਤਾਲ ‘ਚ ਆਪਰੇਸ਼ਨ ਨਾਲ ਇਕੋ ਹੀ ਸਮੇਂ ਪੁੱਤਰਾਂ ਨੂੰ ਜਨਮ ਦਿੱਤਾ। ਇਹ ਬਹੁਤ ਦੁਰਲਭ ਮਾਮਲਾ ਹੈ।

ਦੋਵੇਂ ਲਗਭਗ 3 ਸਾਲ ਪਹਿਲਾਂ ਹਿੰਸਾਗ੍ਰਸਤ ਸੀਰੀਆ ਨੂੰ ਛੱਡ ਕੇ ਤੁਰਕੀ ਪਹੁੰਚੀਆਂ ਸਨ। ਬੱਚਿਆਂ ਦੇ ਨਾਂ ਰੀਸੀਪ ਅਤੇ ਤਾਈਪ ਰੱਖੇ ਗਏ ਹਨ। ਹਸਪਤਾਲ ਦੇ ਡਾਕਟਰ ਅਰਕਾਨ ਅਤਾਲ ਅਤੇ ਉਨ੍ਹਾਂ ਦੇ ਸਾਥੀ ਨੇ ਕਿਹਾ ਕਿ ਉਹ ਇਸ ਖਬਰ ਨੂੰ ਸੁਣ ਕੇ ਹੈਰਾਨ ਹਨ ਅਤੇ ਅਜਿਹਾ ਮਾਮਲਾ ਉਨ੍ਹਾਂ ਨੇ ਪਹਿਲਾਂ ਕਦੇ ਨਹੀਂ ਦੇਖਿਆ।

ਸਭ ਇਨ੍ਹਾਂ ਨੂੰ ਚਮਤਕਾਰੀ ਜਨਮ ਕਹਿ ਰਹੇ ਹਨ। ਮਾਂਵਾਂ-ਧੀਆਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਪਹਿਲਾਂ ਆਪਣੇ ਗਰਭਵਤੀ ਹੋਣ ਬਾਰੇ ਪਤਾ ਹੀ ਨਹੀਂ ਸੀ ਤੇ ਜਦ ਪਤਾ ਲੱਗਾ ਤਾਂ ਉਹ ਬਹੁਤ ਖੁਸ਼ ਹੋਈਆਂ। ਲੋਕ ਇਨ੍ਹਾਂ ਨੂੰ ਵਧਾਈਆਂ ਦੇਣ ਲਈ ਆ ਰਹੇ ਹਨ ਅਤੇ ਸੋਸ਼ਲ ਮੀਡੀਆ ‘ਤੇ ਇਹ ਸੁਰਖੀਆਂ ‘ਚ ਹਨ।

About admin

Check Also

ਹੁਣੇ ਕੁਝ ਸਮਾਂ ਪਹਿਲਾਂ ਜਹਾਜ਼ ਹੋਇਆ ਹਾਦਸਾਗ੍ਰਸਤ, ਜਹਾਜ਼ ‘ਚ ਸਵਾਰ ਸਾਰੀਆਂ ਸਵਾਰੀਆਂ ਦੀ ਹੋਈ ਮੌਤ

ਹੁਣੇ ਕੁਝ ਸਮਾਂ ਪਹਿਲਾਂ ਜਹਾਜ਼ ਹੋਇਆ ਹਾਦਸਾਗ੍ਰਸਤ, ਜਹਾਜ਼ ‘ਚ ਸਵਾਰ ਸਾਰੀਆਂ ਸਵਾਰੀਆਂ ਦੀ ਹੋਈ ਮੌਤ …

error: Content is protected !!