Breaking News

ਪੱਟ ਤੇ ਗੋਲੀ ਲੱਗੀ ਸੀ-ਖੂਨ ਨੁੱਚੜ ਰਿਹਾ ਸੀ-ਇਹ ਦੇਖਕੇ ਜੱਜ ਦੀਆਂ ਅੱਖਾਂ ਨਮ ਹੋ ਗਈਆਂ

ਇੱਕ ਵਾਰੀ ਜਦੋਂ ਜਥੇਦਾਰ ਹਵਾਰੇ ਦੇ ਪੱਟ ਵਿੱਚ ਪੁਲਿਸ ਨੇ ਗੋਲੀ ਮਾਰਨ ਤੋਂ ਬਾਅਦ ਕਿਸੇ ਹਸਪਤਾਲ ਵਿਚ ਇਲਾਜ ਕਰਵਾਉਣ ਦੀ ਬਜਾਏ,ਜਥੇਦਾਰ ਹਵਾਰੇ ਦੇ ਖੂਨ ਨਾਲ ਨੁੱਚੜ ਰਹੇ ਪੱਟ ਸਮੇਤ ਰਾਤ ਨੂੰ Lady ਜੱਜ ਦੇ ਘਰ Police Officer ਰਿਮਾਂਡ ਲੈਣ ਲਈ ਗਏੇ ਤਾਂ ਲੇਡੀਜ ਜੱਜ ਨੇ ਕਿਹਾ-ਜਗਤਾਰ ਕਿਵੇ ਤੂੰ ਠੀਕ ਹੈ ਤਾਂ ਜੱਥੇਦਾਰ ਹਵਾਰੇ ਨੇ ਹੱਸਦੇ ਹੋਏ ਕਿਹਾ “ਹਾਂ ਜੀ ਮੈਡਮ ਮੈਂ ਬਿਲਕੁਲ ਚੜਦੀਕਲਾ ਵਿਚ ਹਾਂ।ਅਜੇ ਇੰਨੀ ਗੱਲ ਕਹੀ ਹੀ ਸੀ ਕਿ ਲੇਡੀਜ ਜੱਜ ਦਾ ਧਿਆਨ ਜਥੇਦਾਰ ਹਵਾਰੇ ਦੇ ਖੂਨ ਨਾਲ ਨੁੱਚੜ ਰਹੇ ਪੱਟ ਤੇ ਗਿਆ ਤਾਂ ਜੱਜ ਨੇ ਕਿਹਾ ਜਗਤਾਰ ਤੇਰੇ ਤਾਂ ਖੂਨ ਬਹੁਤ ਨਿਕਲ ਰਿਹਾ ਹੈ ਕੀ ਗੱਲ ਹੋਈ ?ਜਥੇਦਾਰ ਹਵਾਰੇ ਨੇ ਹੱਸਦੇ ਹੋਏ ਕਿਹਾ-ਮੈਡਮ ਪੁਲਿਸ ਨੇ ਮੈਨੂੰ ਗਰਿਫਤਾਰ ਕਰਨ ਤੋਂ ਬਾਅਦ ਪੱਟ ਤੇ ਗੋਲੀ ਮਾਰੀ ਹੈ।ਲੇਡੀਜ ਜੱਜ ਦੀਆਂ ਅੱਖਾ ਵਿਚ ਹੰਝੂ ਵੱਗ ਰਹੇ ਸੀ ਤੇ ਇੱਕ ਦਮ SSP ਦਾ ਨਾਮ ਲੈ ਕੇ ਬਹੁਤ ਗੁੱਸੇ ਵਿੱਚ ਕਿਹਾ ਕਿ ਤੁਹਾਨੂੰ ਸ਼ਰਮ ਨਹੀ ਆਉਦੀ,ਇੱਕ ਤਾਂ ਤੁਸੀ ਮੁਜਰਮ ਨੂੰ ਗਰਿਫਤਾਰ ਕਰਨ ਤੋਂ ਬਾਅਦ ਗੋਲੀ ਮਾਰਦੇ ਤੇ ਫਿਰ ਹਸਪਤਾਲ ਵਿੱਚ ਇਲਾਜ ਵੀ ਨਹੀ ਕਰਵਾਉਦੇ ??
ਇੱਥੇ ਮੇਰੇ ਕੋਲ ਕੀ ਲੈਣ ਆਏ ਆ,ਤੁਸੀ ਕੀ ਸੋਚਦੇ ਕਿ ਮੈਂ ਜਗਤਾਰ ਦਾ ਇਸ ਹਾਲਤ ਵਿੱਚ ਤੁਹਾਨੂੰ ਰਿਮਾਂਡ ਦੇ ਦੇਵਾਗੀ।ਚਲੋ ਪਹਿਲਾਂ ਹਸਪਤਾਲ ਤੋਂ ਪੱਟੀ ਕਰਵਾ ਕੇ ਲਿਆਓ।ਉਸੇ ਵਖ਼ਤ ਰਾਤ ਨੂੰ ਹੀ ਹਸਪਤਾਲ ਵਿੱਚ ਪੱਟੀ ਕਰਵਾ ਕੇ ਤੇ ਫਿਰ ਰਾਤ ਨੂੰ ਹੀ ਜੱਜ ਸਾਹਿਬ ਦੇ ਘਰੋਂ ਰਿਮਾਂਡ ਲਿਆ ਗਿਆ ਪਰ ਜੱਥੇਦਾਰ ਹਵਾਰਾ ਹੱਸ ਰਿਹਾ ਸੀ ਜਿਵੇ ਕੁਝ ਹੋਇਆ ਹੀ ਨਹੀ।ਪਤਾ ਨਹੀ ਜਥੇਦਾਰ ਹਵਾਰਾ ਕਿਹੜੀ ਮਿੱਟੀ ਦਾ ਬਣਿਆ ਹੈ ਕਿ ਇਸ ਨੂੰ ਆਪਣੇ ਦੁੱਖ-ਦਰਦ ਵੀ ਸੁੱਖਾਂ ਵਰਗੇ ਹੀ ਲੱਗਦੇ ਹਨ।ਜੱਜ ਤੋਂ ਰਿਮਾਡ ਲੈ ਕੇ ਦੂਜੇ ਪੱਟ ਤੇ ਜੱਥੇਦਾਰ ਹਵਾਰੇ ਦੇ ਘੋਟਣਾ ਲਾਇਆ ਗਿਆ,ਪੁੱਠਾ ਲਟਕਾਇਆ ਗਿਆ,ਫਿਰ ਲੋਹੇ ਦੀ ਮੋਟੀ ਕਰੀਬ ਕੁਇੰਟਲ ਦੀ ਰਾਡ ਲੈ ਕੇ ਫਿਰ ਪੱਟ ਤੇ ਰਾਡ ਫੇਰੀ ਗਈ ਤੇ ਲੋਹੇ ਦੀ ਰਾਡ ਪੱਟ ਤੇ ਫੇਰਨ ਨਾਲ ਫਿਰ ਖੂਨ ਨੁੱਚੜਣਾ ਸ਼ੁਰੂ ਹੋ ਗਿਆ ਪਰ ਪੁਲਿਸ ਵਲੋਂ ਤਸ਼ੱਦਦ ਜਾਰੀ ਰਿਹਾ ਤੇ ਠੰਡ ਦੇ ਵਿੱਚ ਨਿਰਵਸਤਰ ਕਰਕੇ ਠੰਡੇ ਫਰਸ਼ ਤੇ ਲੰਮਾ ਪਾਕੇ ਕੁੱਟਿਆ ਗਿਆ।ਪਰ ਜਥੇਦਾਰ ਸਾਹਿਬ ਤੇ ਜਦੋਂ ਵੀ ਪੁਲਿਸ ਤੱਸ਼ਦਦ ਕਰਦੀ ਰਹੀ ਹੈ ਤਾਂ ਜਥੇਦਾਰ ਸਾਹਿਬ ਹਮੇਸ਼ਾ ਹੀ ਵਾਹਿਗੁਰੂ-ਵਾਹਿਗੁਰੂ-ਵਾਹਿਗੁਰੂ ਦਾ ਸਿਮਰਨ ਕਰਦਿਆ ਹੱਸ-ਹੱਸ ਕੇ ਪੁਲਿਸ ਦੇ ਸਾਰੇ ਤਸ਼ੱਦਦ ਸਹਾਰਦੇ ਰਹੇ।ਪਰ ਇੰਨੇ ਤਸ਼ੱਦਦ ਦੇ ਬਾਵਜੂਦ ਵੀ ਪੁਲਿਸ ਦੇ ਪੱਲੇ ਕੱਖ ਨਹੀ ਪਿਆ।ਜਥੇਦਾਰ ਹਵਾਰਾ ਸਾਹਿਬ ਜਿਆਦਾ ਕਰਕੇ ਪੁਲਿਸ ਦੀ ਕੁੱਟ ਇਸ ਕਰਕੇ ਖਾਦਾ ਰਿਹਾ ਹੈ,ਕਿ ਉਸ ਨੇ ਕਦੇ ਵੀ ਪੁਲਿਸ ਨੂੰ ਕੋਈ ਭੇਦ ਨਹੀ ਦਿੱਤਾ।ਜਦੋਂ ਪੁਲਿਸ ਨੇ ਕਹਿਣਾ ਕਿ ਇਹ ਫਲਾਨਾ ਕੰਮ ਤੂੰ ਕੀਤਾ ਉਸ ਨੇ ਹੱਸਦਿਆ ਕਹਿਣਾ “ਹਾਂ ਮੈ ਕੀਤਾ,ਫਿਰ ਪੁਲਿਸ ਨੇ ਕਹਿਣਾ ਦੱਸ ਤੇਰੇ ਨਾਲ ਕੌਣ-ਕੌਣ ਸਨ ਤੇ ਕੀ ਕੁੱ ਕੀਤਾ ਤੇ ਕਿਵੇ ਕੀਤਾ…? ਤਾਂ ਜਥੇਦਾਰ ਸਾਹਿਬ ਨੇ ਕਹਿਣਾ “ਜੇ ਤੁਹਾਡੇ ਵਿੱਚ ਜੁਅੱਰਤ ਹੈ ਤਾਂ ਪੁੱਛ ਲਓ ਪਰ ਮੈ ਨਹੀ ਦੱਸਦਾ।”ਜਦੋਂ ਜਥੇਦਾਰ ਸਾਹਿਬ ਨੂੰ ਪੁੱਛਣਾ ਕਿ ਤੁਸੀ ਇੰਨੀ ਕੁੱਟ ਪੁਲਿਸ ਦੀ ਖਾਦੀ ਹੈ ਤਾਂ ਕੀ ਤੁਹਾਡੇ ਦਰਦ ਨਹੀ ਹੁੰਦਾ।ਉਹਨਾਂ ਹੱਸਦੇ ਹੋਏ ਕਹਿਣਾ ਕਿ ਕੁੱਟ ਦੇ ਸਮੇਂ ਮੈਂ ਵਾਹਿਗੁਰੂ,ਵਾਹਿਗੁਰੂ ਵਾਹਿਗੁਰੂ ਕਰਦਿਆਂ ਤਾਂ ਮੈਨੂੰ ਇਸ ਤਰਾ ਮਹਿਸੂਸ ਹੁੰਦਾ ਸੀ,ਜਿਵੇ ਇਹ ਮੇਰਾ ਸਰੀਰ ਹੀ ਨਹੀ ਹੈ।ਵਾਹਿਗੁਰੂ ਨੇ ਆਪਣੀ ਕਿਰਪਾ ਨਾਲ ਮੈਨੂੰ ਕਦੇ ਵੀ ਡੋਲਣ ਨਹੀ ਦਿੱਤਾ,ਜਿਸ ਕਰਕੇ ਮੈ ਵਾਹਿਗੁਰੂ ਦੀ ਕਿਰਪਾ ਨਾਲ ਹਮੇਸ਼ਾ ਹੀ ਚੜਦੀਕਲਾ ਵਿੱਚ ਰਹਿੰਦਾ ਹਨ।

About admin

Check Also

ਹੁਣੇ ਕੁਝ ਸਮਾਂ ਪਹਿਲਾਂ ਜਹਾਜ਼ ਹੋਇਆ ਹਾਦਸਾਗ੍ਰਸਤ, ਜਹਾਜ਼ ‘ਚ ਸਵਾਰ ਸਾਰੀਆਂ ਸਵਾਰੀਆਂ ਦੀ ਹੋਈ ਮੌਤ

ਹੁਣੇ ਕੁਝ ਸਮਾਂ ਪਹਿਲਾਂ ਜਹਾਜ਼ ਹੋਇਆ ਹਾਦਸਾਗ੍ਰਸਤ, ਜਹਾਜ਼ ‘ਚ ਸਵਾਰ ਸਾਰੀਆਂ ਸਵਾਰੀਆਂ ਦੀ ਹੋਈ ਮੌਤ …

error: Content is protected !!