Breaking News

ਲਾਕਅੱਪ ‘ਚ ਰੋਟੀ ਲੈ ਕੇ ਪਹੁੰਚੇ ਪੁਲਿਸ ਮੁਲਾਜ਼ਿਮ ਨੂੰ ਹਨੀਪ੍ਰੀਤ ਕਹਿਣ ਲਗੀ ਕੇ ….

ਜ਼ਖਮਾਂ ‘ਤੇ ਲੂਣ ਛਿੜਕਣ ਵਾਲੀ ਗੱਲ ਅਸੀਂ ਅਕਸਰ ਸੁਣਦੇ ਹਾਂ। ਪਰ ਅਸਲ ‘ਚ ਕਰਵਾਚੌਥ ਦੇ ਵਰਤ ਨੇ ਬਲਾਤਕਾਰੀ ਰਾਮ ਰਹੀਮ ਲਈ ਜ਼ਖਮਾਂ ‘ਤੇ ਲੂਣ ਛਿੜਕਣ ਦਾ ਕੰਮ ਕੀਤਾ ਹੈ। ਦੋ ਸਾਧਵੀਆਂ ਨਾਲ ਬਲਾਤਕਾਰ ਦੇ ਦੋਸ਼ੀ ਸਿਰਸਾ ਦੇ ਡੇਰਾ ਸੱਚਾ ਸੌਦਾ ਦੇ ਮੁਖੀ ਗੁਰਮੀਤ ਰਾਮ ਰਹੀਮ ਲਈ ਉਸਦੀ ਕਥਿੱਤ ਤੌਰ ‘ਤੇ ਗੋਦ ਲਈ ਧੀ ਹਨੀਪ੍ਰੀਤ ਉਰਫ ਪ੍ਰਿਯੰਕਾ ਤਨੇਜਾ ਨੇ ਕਰਵਾਚੌਥ ਦਾ ਵਰਤ ਰੱਖਿਆ ਸੀ।

ਦੱਸਣਯੋਗ ਹੈ ਕਿ ਧਾਰਮਿਕ ਮਾਨਤਾ ਅਨੁਸਾਰ ਕਰਵਾਚੌਥ ਦਾ ਵਰਤ ਪਤਨੀ ਆਪਣੇ ਪਤੀ ਦੀ ਲੰਮੀ ਉਮਰ ਲਈ ਰੱਖਦੀ ਹੈ। ਪਰ ਹਨੀਪ੍ਰੀਤ ਆਪਣੇ ਪਤੀ ਨੂੰ ਪਹਿਲਾਂ ਹੀ ਛੱਡ ਚੁੱਕੀ ਹੈ। ਹਨੀਪ੍ਰੀਤ ਦਾ ਤਲਾਕਸ਼ੁਦਾ ਪਤੀ ਉਸ ਉੱਤੇ ਗੁਰਮੀਤ ਰਾਮ ਰਹੀਮ ਨਾਲ ਨਾਜਾਇਜ਼ ਸੰਬੰਧ ਹੋਣ ਦੇ ਇਲਜ਼ਾਮ ਵੀ ਲਗਾ ਚੁੱਕਾ ਹੈ।

ਮੀਡੀਆ ‘ਚ ਸਾਹਮਣੇ ਆਈਆਂ ਖਬਰਾਂ ਮੁਤਾਬਿਕ ਜਦੋਂ ਹਨੀਪ੍ਰੀਤ ਵੱਲੋਂ ਰੱਖੇ ਕਰਵਾਚੌਥ ਦੇ ਵਰਤ ਦਾ ਕਾਰਨ ਪੁੱਛਿਆ ਗਿਆ ਤਾਂ ਉਸਨੇ ਕਿਹਾ, ‘ਲੋਕ ਉਨ੍ਹਾਂ ਲਈ ਵਰਤ ਰੱਖਦੇ ਹਨ ਜੋ ਉਨ੍ਹਾਂ ਦਾ ਹੀ ਸੁਹਾਗ ਹੈ ਅਤੇ ਅਸੀਂ ਵਰਤ ਰੱਖਦੇ ਹਾਂ ਆਪਣੇ ਪਾਪਾ ਲਈ, ਜੋ ਸਿਰਫ ਸਾਡੇ ਹੀ ਨਹੀਂ ਸਗੋਂ ਦੋਨੋ ਜਹਾਨ ਦੇ ਸੁਹਾਗ ਹਨ।’ ਦੱਸਣਯੋਗ ਹੈ ਕਿ ਹਨੀਪ੍ਰੀਤ ਰਾਮ ਰਹੀਮ ਨੂੰ ‘ਪਾਪਾ’ ਕਹਿੰਦੀ ਹੈ।

ਕਰਵਾਚੌਥ ਵਾਲੇ ਦਿਨ ਲਾਕਅੱਪ ‘ਚ ਰੋਟੀ ਲੈ ਕੇ ਪਹੁੰਚੇ ਪੁਲਿਸ ਮੁਲਾਜ਼ਿਮ ਨਾਲ ਹਨੀਪ੍ਰੀਤ ਨੇ ਇਹ ਸਾਰੀਆਂ ਗੱਲਾਂ ਕੀਤੀਆਂ। ਸੂਤਰਾਂ ਮੁਤਾਬਕ ਹਨੀਪ੍ਰੀਤ ਨੇ ਆਪਣੇ ਪਿਤਾ ਰਾਮ ਰਹੀਮ ਦੀ ਲੰਮੀ ਉਮਰ ਲਈ ਵਰਤ ਤਾਂ ਰੱਖਿਆ ਪਰ ਪਾਣੀ ਪੀਕੇ।

ਹਨੀਪ੍ਰੀਤ ਨੇ ਸ਼ਨੀਵਾਰ ਨੂੰ ਇੱਕ ਮਹਿਲਾ ਪੁਲਿਸ ਅਧਿਕਾਰੀ ਤੋਂ ਕਰਵਾਚੌਥ ਦੇ ਵਰਤ ਬਾਰੇ ਪੁੱਛਿਆ ਸੀ। ਜਿਸਤੋਂ ਬਾਦ ਹਨੀਪ੍ਰੀਤ ਨੇ ਐਤਵਾਰ ਨੂੰ ਕਰਵਾਚੌਥ ਦਾ ਵਰਤ ਰੱਖਿਆ। ਹਨੀਪ੍ਰੀਤ ਦਾ ਕਹਿਣਾ ਸੀ ਕਿ ਦੇਸ਼ ‘ਚ ਉਸਦੇ ਪਿਤਾ ਵੱਲੋਂ ਚਲਾਏ ਗਏ ਲੋਕ ਭਲਾਈ ਦੇ ਕੰਮਾਂ ਤੋਂ ਪ੍ਰਭਾਵਿਤ ਹੋਕੇ ਹੀ ਔਰਤਾਂ ਅਤੇ ਬੱਚੀਆਂ ਉਨ੍ਹਾਂ ਦੀ ਲੰਮੀ ਉਮਰ ਲਈ ਕਰਵਾਚੌਥ ਦਾ ਵਰਤ ਰੱਖਦੀਆਂ ਹਨ।

ਹਾਲਾਂਕਿ ਮਿਲੀ ਜਾਣਕਾਰੀ ਮੁਤਾਬਕ ਪੁਲਿਸ ਵੱਲੋਂ ਹਨੀਪ੍ਰੀਤ ਨੂੰ ਵਰਤ ਲਈ ਕੋਈ ਸਪੈਸ਼ਲ ਟ੍ਰੀਟਮੈਂਟ ਨਹੀਂ ਦਿੱਤਾ ਗਿਆ। ਉਸਨੂੰ ਕੁੱਝ ਸਮੇਂ ਪੁੱਛਗਿੱਛ ਲਈ ਬਾਹਰ ਲੈ ਕੇ ਆਇਆ ਗਿਆ ਅਤੇ ਉਸਤੋਂ ਬਾਅਦ ਲਾਕਅੱਪ ‘ਚ ਬੰਦ ਕਰ ਦਿੱਤਾ ਗਿਆ।

ਮਹਿਲਾ ਅਧਿਕਾਰੀਆਂ ਦੇ ਕਰਵਾਚੌਥ ਦੇ ਵਰਤ ਨੂੰ ਲੈ ਕੇ ਵਿਅਸਤ ਹੋਣ ਕਾਰਨ ਜ਼ਿਆਦਾ ਦੇਰ ਤੱਕ ਪੁੱਛਗਿੱਛ ਨਹੀਂ ਹੋ ਸਕੀ। ਹਨੀਪ੍ਰੀਤ ਤੋਂ ਪੁੱਛਗਿੱਛ ਕਰਨ ਵਾਲੀ ਮਹਿਲਾ ਪੁਲਿਸ ਅਧਿਕਾਰੀ ਵੀ ਕਰਵਾਚੌਥ ਦੇ ਦਿਨ ਤਿਆਰ ਹੋ ਕੇ ਪੁਲਿਸ ਥਾਣੇ ਪਹੁੰਚੀ ਸੀ। ਇੱਕ ਪੁਲਿਸ ਮੁਲਾਜ਼ਿਮ ਨੇ ਦੱਸਿਆ ਕਿ ਉਸਨੇ ਹਨੀਪ੍ਰੀਤ ਨੂੰ ਆਪਣੀ ਸਾਥੀ ਸੁਖਦੀਪ ਕੌਰ ਨਾਲ ਗੱਲਬਾਤ ਕਰਦਿਆਂ ਸੁਣਿਆ ਸੀ ਕਿ ਕਾਸ਼, ਅੱਜ ਉਹ ਆਪਣੇ ਪਿਤਾ ਨੂੰ ਮਿੱਲ ਸਕਦੀ। ਇੱਥੇ ਦੱਸ ਦਈਏ ਕਿ ਹਨੀਪ੍ਰੀਤ ਦਾ ਪਿਤਾ ਤੋਂ ਮਤਲਬ ਹੈ ਬਲਾਤਕਾਰੀ ਰਾਮ ਰਹੀਮ।

About admin

Check Also

ਹੁਣੇ ਕੁਝ ਸਮਾਂ ਪਹਿਲਾਂ ਜਹਾਜ਼ ਹੋਇਆ ਹਾਦਸਾਗ੍ਰਸਤ, ਜਹਾਜ਼ ‘ਚ ਸਵਾਰ ਸਾਰੀਆਂ ਸਵਾਰੀਆਂ ਦੀ ਹੋਈ ਮੌਤ

ਹੁਣੇ ਕੁਝ ਸਮਾਂ ਪਹਿਲਾਂ ਜਹਾਜ਼ ਹੋਇਆ ਹਾਦਸਾਗ੍ਰਸਤ, ਜਹਾਜ਼ ‘ਚ ਸਵਾਰ ਸਾਰੀਆਂ ਸਵਾਰੀਆਂ ਦੀ ਹੋਈ ਮੌਤ …

error: Content is protected !!